โอ๊ยน้อ ละเคยเจ็บหลายเพราะคนนี้
แม่นจักเดือนจักปี กะบ่สิ้นความจื่อ เด้หนอ
บัดนี้คือคิดฮอดอ้ายผู้เคยพ่ายดอกฮักมา
ละไปอยู่สุดแผ่นล้า หนาหนา
ฟ้ากวมก่อคนละแดน
หรืออ้ายไปมีแฟนใหม่แล้วบ้อพี่ชายเอ้ย
แฟนเก่าเลย ได้นอนกุ้ม ได้นอนกุ้ม
ใจเป็นทรงคิดฮอด ผู้เคยนอนกอดเอิ้นว่าแฟนเก่า
ยามเมื่อฟ้าตั้งเง่า คือจั่งความเหงามาเข้ากุ้มหัวใจ
ลมสะเบยโบกพัด ขี้ฝ่าไหลลัดมาฮัดหนาวทรวงใน
บุญน้องบ่ได้คองคู่อ้าย กะให้ถามไถ่ข่าวคราวคือก่อน
เมื่อตอนเคยเป็นแฟนกัน เจ็บมื้อนั้นจากกันไปบ่ดี
แต่ว่า มาฮอดมื้อนี้ สุดชีวีบ่ฮักไผท่ออ้าย
แฟนเก่าน้องเอ่ย ผู้เคยจับแขนจับไหล่
น้องนี้มันคนบุญบ่หลาย สวรรค์บ่ให้สองเฮากินดอง
โอ๊ยเด้ชาย เด้ชาย หมายใจซ้อนได้ฮ่อนลงลั่นลั่น
หมายใจซ้อนได้ฮ่อนลงลั่นลั่น
ปานบักทันหล่นค่วนคันจบม้วนฮ่อนลง
สิทธิ์สิโค้งคราวอ่วยหากัน คงสิบ่มีวันว่าเป็นไปได้
เป็นจังได๋กะขอให้พ้อหน้า เป็นจังได๋กะขอให้พ้อหน้า
ขอแต่เพียงสบตากะได้ดอกยอดอุ่น
ถือว่าบุญน้องหน่อยมันคนด้อยกว่าเขา
รักเราถ้าเป็นแต่ก่อน สุดสะออนสองเฮาฮักหลาย
แต่เจ้ากะมาเปลี่ยนไป มาฝากแป๋วใจให้ฮ่อเลือดสีแดง
เจ็บหลายกะยังคิดฮอดเช้าแลง ล่าหล่อยเบิ๊ดแฮง กะแนวคนมันฮัก
ยามนางคิดฮอดอ้าย ตาแลพ่ายแงนเบิ่งดาวเดือน
คือจั่งเมฆเสมือน หลอกลางเลือนพบกันอยู่เทิงฟ้า
เจ้าผู้หงส์เหินผ่าย บินกลายน้องบ่ข่องเกี่ยวเลี้ยวมา
ผลาน่อยด้อยวาสนา คาดสิว่าคนบ่แม่นคู่กัน
โอ๊ยเด้แฟน เด้แฟน แฟนของน้องแต่เป็นของผู้อื่น
แฟนของน้องแต่เป็นของผู้อื่น บางมื้อตื่นแต่หน้าฝันพ้อกะส่วงใจ
น้องบ่เคยลืมอ้ายง่ายง่าย ฟ้าบ่หงาย เด้อฟ้าบ่หงาย
ดินทรายบ่ปี้น คันหินอยู่น้ำบ่ฟูขึ้นแม่นบ่ไล
ฝากเสียงลอยลมหา ถามข่าวว่าแฟนเก่าของน้อง
ผู้เคยได้จับได้จอง ได้จับได้จองคนของหัวใจ
ไปมีแฟนใหม่ ไปมีแฟนใหม่แล้วบ่อ้ายเอ่ย
เคยซังเคยเครียดเคยขม แต่อารมณ์บ่คือมือนั่น
แนวคนมันเคยฮักกัน มันเคยฮักกันเลยลืมบ่ได้
สิทธิ์ของหัวใจ สิทธิ์ของหัวใจ ได้เพียงคิดฮอด
ฝากลมกอดคิงเขาแทนแน่ ฝากลมกอดคิงเขาแทนแหน่
ว่าหัวใจผู้แพ้ที่เคยแย่พะวง
บ่มีแฟนกะขอให้อ้ายคืนโค้ง ให้คืนโค้งคราวอ่วยมาหา
วาสนาเฮียงกันเทื่อสองกะยังได้
บ่าวพี่ชายแฟนเก่าน้อง แฟนเก่าน้อง